Ch. Kareem u Din- چوہدری کریم الدین

چوہدری کریم الدین صاحب کے نام دل میں اک درد پرانا سا جگا رکھا ہے میں نے ہر زخم کو سینے میں سجا رکھا ہے تیری تصویر مرے مَن سے مٹتی ہی نہیں اپنے اشکوں کو بھی آنکھوں میں چھپا رکھا ہے تیری یادوں کو بھی ہے دل میں بسایا میں نے تیری راہوں میں تو پلکوں کو بچھا رکھا ہے تجھ کو خوشبو کی طرح خود میں سمو کر رکھا تیرے اس پیار کا نغمہ ہر اک کو سنا رکھا ہے تٌو ہی تو میرے خیالوں کا محور بھی رہا ہے میں نے اک پیارا سا گھر دل میں بنا رکھا ہے رہتا ہے مرے دل میں ہر وقت وہی طارق اک دیپ واں پیار کا میں نے یوں جلا رکھا ہے

Some words about Ch. Kareem u Din sahib.

ہم لوگ جو چوہدری کریم الدین احمد (پُو صاحب) کے عہد میں جوان ہوئے، ان پر پُو صاحب کا ایک ایسا انمٹ نقش ہے جو ہم باوجود کوشش کے مٹا نہیں سکتے۔ میری آپ سے غالباً آخری بار چھتیس سینتیس سال پہلے ملاقات ہوئی تھی مگر یہ یہ شاداب اور مسکراتا ہوا چہرہ کبھی بھی نظروں سے اوجھل نہیں ہوا، اپنے بچوں کو ابھی تک ان کے سنائے ہوئے لطیفے مزے لے لے کر سناتے ہیں اور وہ حیران ہوتے ہیں کہ یہ کون شخص ہے جس کا ہمارا باپ اکثر ذکر کرتا رہتا ہے اور ہم باوجود کوشش کے انہیں سمجھا نہیں پاتے کہ ایسا کیا ہے جس نے تمام عمر ہمیں اس شخص کا دیوانہ بنائے رکھا۔۔۔۔۔۔مجھے یقین ہے اُس عہد میں جوان ہونے والے سب دوستوں کی یہی دلی کیفیت ہوگی مگر آج دل اس بات ںسے بیحد بوجھل اور غمزدہ ہے کہ اس شخص کے لئے جو ہمارے دل ودماغ پر ایک نہ مٹنے والا نشان چھوڑ گیا، ماضی کا صیغہ استعمال کرنا پڑرہا ہے اور یقین نہیں آتا کہ اب وہ ہمارے درمیان موجود نہیں ہیں ۔۔۔۔۔۔۔۔۔مگر ایک بات تو یقینی ہے کہ کریم الدین صاحب ہمارے بھائی، ہمارے استاد اور قدم قدم پر ہمارے راہنما تھے اور آج ہم جو کچھ بھی ہیں اس کے پیچھے کہیں نہ کہیں آپ کی کاوشوں اور محبتوں کا دخل بھی ہے جس کے لئے ہم ہمیشہ آپ کے لئے دعاگو اور آپ کے احسان مند رہیں گے بچپن میں محلے کی گراؤنڈ میں دو کردار ہمیشہ نمایاں ہوتے تھے پُو صاحب اور مکرم نسیم شاہ صاحب (عرف چومیاں)......پُو صاحب کی دلکش مسکراہٹ، شرارتی چہرہ اور حد سے ذیادہ خود اعتمادی یہاں تک کہ اگر وہ سیاہ کو سفید کہتے تو ہمارا ماننے کو دل کرتا تھا۔ پھر جب ٹیموں کا چناؤ ہوتا تو ہر کسی کی خواہش ہوتی کہ وہ آپ کی ٹیم میں ہو کیونکہ یہ یقین ہوتا تھا کہ آپ کی ٹیم ہی جیتے گی اور اگر بالفرض ہار بھی گئی تو بھی پُو دوسری ٹیم کو جیت کا مزہ نہیں لینے دیں گے اور اس میں نسیم شاہ صاحب کا کردار بہت دلچسپ ہوتا تھا، دونوں کے درمیان نوک جھوک، چھیڑ چھاڑ اور بظاہر لڑائیاں سب کے لئے بے حد دلچسپی کا باعث ہوتی تھیں لیکن کھیل کے میدان میں ہونے والی اونچ نیچ کبھی بھی میدان سے باہر گلی کوچے یا گھروں تک نہیں پہنچی۔۔۔۔۔۔پُو صاحب پر غصہ آنا بھی ایک ناممکن عمل تھا کہ ان کے چہرے پر پھیلی ہوئی مستقل مسکراہٹ کسی سخت سے سخت دل کو بھی لمحوں میں نرم کردیا کرتی تھی۔ اللہ تعالٰی سے دعا ہے کہ وہ آپ کے درجات بلند فرمائے اور اپنے پیاروں کے قرب میں جگہ عطا فرمائے آمین بچھڑا کچھ اس ادا سے کہ رت ہی بدل گئی اک شخص سارے شہر کو ویران کر گیا

بقول احمد فراز

وہ یوں گیا کہ بادِ صبا یاد آ گئی احساس تک بھی ہم کو دلا کر نہیں گیا یوں لگ رہا ہے جیسے ابھی لوٹ آئے گا جاتے ہوئے چراغ بجھا کر نہیں گیا بس اک لکیر کھینچ گیا درمیان میں دیوار راستے میں بنا کر نہیں گیا شاید وہ مل ہی جائے مگر جستجو ہے شرط وہ اپنے نقشِ پا تو مٹا کر نہیں گیا گھر میں ہے آج تک وہی خوشبو بسی ہوئی لگتا ہے یوں کہ جیسے وہ آ کر نہیں گیا تب تک تو پھول جیسی ہی تازہ تھی اس کی یاد جب تک وہ پتیوں کو جدا کر نہیں گیا رہنے دیا نہ اس نے کسی کام کا مجھے اور خاک میں بھی مجھ کو ملا کر نہیں گیا ویسی ہی بے طلب ہے ابھی میری زندگی وہ خار و خس میں آگ لگا کر نہیں گیا شہزادؔ یہ گلہ ہی رہا اس کی ذات سے جاتے ہوئے وہ کوئی گلہ کر نہیں گیا

چوھدری کریم الدین پو صاحب۔زندہ دلان صدر شرقی کے سپوت سب کے دلوں کی ڈھڑکن چھوٹے سے لیکر بڑوں کے دل داداہ بھلائے بھی نہیں بھولتے۔ انکے ساتھ بتائی بہت ھی یادیں ھیں۔محلے والے سب جانتے ھیں کتنی خوبیوں کے مالک تھے۔میں مختصر کر رھا ھوں ۔ھم جب شاہ تاج شوگر مل ملنے گئے بہت محبت سے ملے سب کے بارے میں پوچھا پرانی باتیں بھی کرکے بہت محظوظ ھوے۔میرا بیٹا بھی ساتھ تھا اسکا انٹرویو بھی لیا بہت اچھی باتیں اسکو بتائیں انکے آفس میں کارنر ٹیبل پر فٹ بال رکھا تھا بیٹے سے پوچھا اپ کے ایو تایا سب تمام کھیلیں کھیلتے تھے تم کونسی گیم پسند کرتے ھو بیٹے نے کہا کرکٹ اور فٹ بال۔کہنے لگے ھاکی تو اپ کی خاندانی گیم ھے وہ کیوں نہیں کھیلتے بیٹے نے کہا کھیلتا ھوں لیکن مجھے کرکٹ اور فٹبال پسند ھیں ۔ پو صاحب اپنی چئیر سے اٹھے اور ٹیبل پر پڑا فٹ بال پکڑا اور مجھے کہا پم کیمرہ پکڑ اور بیٹے کو یہ فٹ بال گفٹ کر رھا ھوں فوٹو بناو۔یہ فٹبال پرانا ضرور ھوگیا لیکن ابھی بھی پو صاحب کی نشانی میرے پاس ھے۔ لکھنے کو بہت سے واقعات ھیں ۔اسکے لئے بہت سا وقت چاھئیے۔ ایک شادی کی کوریج کے لئے منڈی بہاولدین ایا اس شادی کی تقریب میں ملاقات ھوئی اور بہت پیار سے ملے۔کریم الدین صاحب ۔کس اللہ تعالی کروٹ کروٹ جنت نصیب فرمائے۔آمین ثم امین جزاک اللہ فہیم احمد پم واہ کینٹ۔

نظم بیاد کریم الدین احمد ۔۔۔۔۔۔۔۔۔۔۔۔۔۔۔۔۔۔ یکتائے روزگار تھا اک کریم الدین سرمایۂِ وقار تھا اک کریم الدین اپنی وفا سے رام کیا اک جہان کو پُھولوں کا ایک ہار تھا اک کریم الدین اس کا خلوص سردیوں کی ایک دھوپ تھا سب کے لئے ہی پیار تھا اک کریم الدین کتنا ہی مہربان تھا ، قُدرت کی شان تھا اِحسانِ کِردگار تھا اک کریم الدین حُسنِ عمل میں آپ ہی اپنی مثال تھا اک صُبحِ کامگار تھا اک کریم الدین رہتا تھا وقف ہر گھڑی ہر ایک کے لئے وہ شخص طرح دار تھا اک کریم الدین ماہر تھا اپنے فن میں ، وہ اک باکمال تھا ہر فن کا شہسوار تھا ، اک کریم الدین خدمت میں پیش پیش وہ رہتا تھا ہر گھڑی دیں کا وفا شعار تھا اک کریم الدین مِلتا تھا وہ ہر ایک سے چاہت ، خُلوص سے سُکھ چین اور قرار تھا اک کریم الدین وابستہ اس کی ذات سے ڈھیروں تھیں رونقیں محفل میں نَوبہار تھا اک کریم الدین اک صاحبِ جمال تھا اور خوش خصال بھی یاروں کا ایک یار تھا اک کریم الدین ————————————